靚媽變外傭｜岑潔儀素顏帶兒子上面試班　不滿被校長誤認外傭兼呼喝：唔尊重人

岑潔儀（Zoey）自2012年與馬來西亞富豪Dixon結婚後，育有2名兒子。為了專心照顧孩子，Zoey逐漸淡出幕前，但仍不時於社交平台上分享一家日常，近日Zoey就於IG分享她送兒子上課時，慘遭校長呼喝的經歷，更呼籲家長們為孩子找學校時要考慮清楚。

岑潔儀被校長誤認外傭

近日Zoey於IG拍片分享被校長呼喝的一事，片中的她以素顏坐在車上，表示平時不會刻意打扮，素顏便服送兒子到「面試班」上課，怎料這一身平庸打扮卻被人誤認為外傭。她指當時有一個短頭髮的阿嬸，說著「唔鹹唔淡」的廣東話，並喝停她道：「姐姐，You come here！」。對於被人誤認為成外傭，Zoey見怪不怪，只是不滿對方的態度。

我呢身打扮都似姐姐，同埋我成日冇化妝就被人認錯係姐姐，見怪不怪，但我覺得佢態度好差。

▲ 岑潔儀拍片表示不滿被校長誤認外傭及呼喝。（IG@zoeysham）

最新影片推介：

之後她便問對方「你講乜嘢呀？」，對方回答「唔好意思呀，媽咪呀，過嚟呢度簽名」。Zoey上前簽名，對方便將下學期的東西給她，再送兒子離開。後來，她回去詢問對方名字，對方則回答「我係呢度校長呀！」。

不滿校長態度 考慮為兒子轉校

對於校長的態度她感到非常失望，而她亦考慮是否應該為兒子轉校，更表示對方既然是學校校長，就應該表現出令家長順服或安心的模樣，而非如此惡劣的態度對待他人。

我將個仔送嚟呢個學校上面試班，個校長質素原來係咁？作為一個校長唔係應該素質好好呀咩？就算對住姐姐個態度都唔應該咁惡劣啦！

▼點擊圖片放大

+9

+8

提醒家長為孩子找學校要三思

雖然被校長「激親」，但Zoey最後仍搞笑自嘲：「唔知我今日呢個look係咪真係好似姐姐？」，更設網上投票，引來老公、細佬及一眾好友都搞笑回應她似姐姐。其實Zoey擁有四分之一泰國血統，於2006年參加節目《美女廚房》的美少女廚神爭霸戰後，加入TVB成為旗下藝員。

事件曝光後，引來不少網民留言，Zoey之後再發文回應：「收到好多留言問我係邊一間面試班，我唔想開名因為唔想影響到其他小朋友，我只能講係九龍塘區好出名！」，另外她亦表示自嘲自己似姐姐，只係為了讓大家開心， 真正令她生氣的原因是校長對待他人的態度。

一個唔尊重人嘅人竟然做教育，仲係校長！佢好意思講出口，我真心佩服！仲有一班覺得佢哋好神嘅家長，希望大家要了解清楚先好報名，唔好好似我咁，朋友話好就去，自己應該了解清楚先，學費都好貴㗎嘛！

下載HKET App，追蹤TOPick WhatsApp頻道，睇全方位資訊：

【中小學試題免費下載】 【名校專區升學攻略】

【兒童健康百科】 【職場文化智慧】